Dantza mota:
Dantza-Antzerki
Erakusketa lekua: Aretoa
Iraupena: 50 minutu
Estreinaldiaren data: 2023
Argazkia Aitor ArrutiERREKA ONDOAN, BI GEZUR dantza garaikidea oinarri duen obra eszenikoa da.
Fikzioa eta gezurra kontzeptu gisa uztartzen dira, horretarako kondairen unibertsoan barneraturik. Kondaira da sormen prozesuaren abiapuntu eta kokalekua. Literatur genero epiko hau, pertsonaia fantastikoak eta naturaz gaindikoak dituena, eta maiz ezaugarri historikoak dituena, da obraren oinarria. Emanaldian, fikziozko elementuez gain, gizarteko errealitate zuzenetik hartutako elementuak daude, egungo narratibakedo ‘egiak’ fantasiazko istorioarekin kutsatu eta transformaturik. Lanak transformazio bidai batean barneratzen gaitu.
Mari Zaunkaren azken sormen honek dantza, ahotsa eta testua uztartzen ditu.
Argazkia Aitor Arruti
Argazkia Aitor ArrutiNerea Gurrutxaga eta Oihana Vesga dantzari eta sortzaileek eratzen dute Mari Zaunka konpainia. Biek Londresko London Contemporary Dance School eskolan burutu zituzten goi mailako dantza ikasketak eta Erresuma Batuan hasi zuten ibilbide profesionala dantzari eta sortzaile gisa.
2020an estreinatu zuten elkarlanean sortutako lehen lana, ‘Leiho Zikin, Zeru Garbi’, Bilboko BAD Jaialdian, eta ordutik hainbat jaialdietan aurkezteko aukera izan dute, LaboXL Tabakalera, PDF Pasaiako Dantza Festibala, eta Gasteizko Baratza Aretoa besteak beste.
Konpainiak adar eszenikoaz gain, mediazio eta hezkuntza arloko proiektuak garatzen ditu.
Nerea Gurrutxaga, Oihana Vesga
Nerea Gurrutxaga, Oihana Vesga
